Inahan ni Kingston mitingog na

CEBU, Philippines — Mopasaka og kaso ang pamilya sa 23- anyos nga negosyante nga si Kingston Ralph Ko Cheng batok kang Sean Andrew Pajarillo, ang drayber nga nalambigit sa hit-and-run nga insidente ug nitapos sa kinabuhi sa negosyante niadtong Pebrero 8, 2026.

Ang inahan ni Kingston nga si Katherine Cheng emosyonal nga namahayag pipila ka adlaw human sa aksidente sa Maria Luisa Village sa Barangay Banilad.

“I lost my son in an unimaginable, tragic way that makes it so painful that words cannot express. It was the most difficult moment in my entire life. Fear and hope were flooding inside me as I came to terms with the reality that I had lost him. I didn't want to see my son covered with blood and bruises. I wanted to see him like how I saw him in the morning - fresh, ready for the day, and full of promises. Now that Kingston has been taken from us, every part and corner of our home feels empty - a void that can't be ignored. His absence is deeply felt. His silence is deafening. A part of me is missing. Kingston is missing. I don't know how I can bear this; it is unbearable for any mother, for any parent,” pamahayag sa inahan ni Kingston.

Matud pa ni Cheng nga sa sinugdan wala gyud nila giisip ang pagduso og kaso tungod sa dakong kasubo nga ilang giatubang. Apan napugos sila sa pagpadayon aron mahimong opisyal ang insidente ug aron makatabang nga dili na kini masubli sa uban.

“We are too hurt, and we wanted to lay our son to rest in peace. But we want to honor him, and we don't want the tragedy to go to waste, as if it did not happen,” suma pa ni Cheng.

Gisalig sab sa pamilya ni Kingston ang kapalaran niini sa kapulisan ug sa korte, ug respetohon nila kini bisan unsa pay resulta sa kaso. Wala hinuon siya mobutyag kun unsa pa nga kaso ang ilang ipasaka.

Sumala sa kapulisan, ang insidente nalambigit sa usa ka Toyota Innova nga gimaneho sa 21-anyos nga Pajarillo kinsa apil sab sa naangol sa maong panghitabo.

Gipaubos kini og hospital arrest tungod kay wala siya makapakita og valid nga driver's license ug rehistro sa sakyanan atol sa pagkahitabo.

Gipasakaan si Pajarillo og kasong reckless imprudence resulting in homicide tungod sa kamatayon ni Cheng. Usa pa ka kaso ang giatubang ni Pajarillo alang sa kadaut sa Toyota Vios nga naka-park sa dalan.

Niadtong Pebrero 13, 2026, nakapiyansa si Pajarillo og P72,000 ug temporary kining gibuhian.

Ang pamilya ni Kingston miingon nga “dili matagna” ang panghitabo ug kinahanglan nga mahatagan og hustiya ang kamatayon sa ilang anak.

Bisan pa sa kasubo, nagpasalamat ang pamilya sa dakong suporta nga ilang nadawat gikan sa komunidad.

Matud niya ang mga pulong pagsuporta, pag-ampo, ug mga mensahe nga ilang nadawat nakahatag kanila og kalipay ug nagpamatuod nga ang kinabuhi ni Kingston adunay dakong kahulugan.

Gihulagway niya si Kingston nga usa ka mapinanggaong anak nga adunay malumo nga kasingkasing.

“May his life continuously reminds us to live with kindness, sincerity and purpose. Kingston is the son that every parent would pray for. He is kind, caring and loving, a supportive brother and a true friend that will always have your back. He is warm, loving and caring for everyone. He gives without expecting anything in return. Kingston is and will always be a gift- a gift that keeps on giving,” pulong pa sa inahan. IBM BANAT NEWS