P107 bilyones nga PAPs aprobado na sa PDC

CEBU, Philippines — Giaprobahan sa Cebu Provincial Development Council (PDC) ang P107 bilyones nga kantidad sa programs, activities, ug projects (PAPs) nga gipresentar sa lima ka sectoral committees aron maendorso ngadto sa Regional Development Council-7 ug maapil sa mapundohan sa national budget alang sa tuig 2027.

Atol sa tigom sa PDC niadtong Pebrero 13, 2026 nga gipangulohan ni Gobernador Pamela Baricuatro gipresentar sa mga miyembro sa council ang ilang tagsa-tagsa ka PAPs.

Ang Economic Development Committee nisumiter og P507 milyones nga PAP diin gilangkuban kini sa P209.39 milyoens sa Bureau of Fisheries and Aquatic Resources (BFAR); P40.78 milyones sa Philippine Coconut Authority; P07.87 milyones sa Technical Education and Skills Development ug P48.97 milyones sa Department of Tourism.

Ang Social Development Committee nisumiter kini og PAP nga nikabat ngadto sa P31.26 bilyones alang sa tuig 2027.

Apil niini ang Department of Social Welfare and Development-7 nga P6.1 bilyones; National Police Commission, P18.5 milyones; Commission on Higher Education-7, P49.2 milyones; Cebu Normal University, P1.17 bilyon; Department of Health, P5.62 bilyones; Department of Education, P17.67 bilyones; Land Transportation Office-7, P423 milyones; National Commission on Senior Citizens-7, P22.8 milyones; National Food Authority, P26.85 milyones; Philippine Science High School, P92.5 milyones; Philippine Statistics Authority-7, P24.67 milyones, ug Commission on Population and Development-7, P62.56 milyones.

Samtang ang Infrastructure and Utilities Development Committee nisumite kini og PAP nga nikabat ngadto sa P71.74 bilyones nga gilangkuban sa P20.48 milyones gikan sa Department of Transportation and the Provincial Government’s “Tabang PamByahe Project”, National Irrigation Administration nga P3.79 bilyones, Department of Public Works and Highways, P63.54 bilyones, ug Department of Agriculture, P4.3 bilyones.

Ang PDC niaproba usab sa infrastructure projects nga nikabat ngadto sa P100 milyones nga gihangyo sa lokal nga kagamhanan sa Dakbayan sa Danao alang sa Barangay Guinacot ug Suba.

Nikabat ngadto sa P589 milyones ang PAP sa Environmental Management Committee nga gilangkuban sa Department of Environment and Natural Resources (DENR)-Mines and Geo-Sciences Bureau, P15.93 milyones; ug DENR-Provincial Environment and Natural Resources Office, P376.1 milyones, DENR-Environmental Management Bureau, P196.9 milyones.

Ug ang Development Administration Committee nisumiter usab kini og PAP nga nikabat ngadto sa P2.8 bilyones apil na niini ang sa Department of Trade and Industry nga P2.63 bilyones ug sa Department of Information and Communications Technology nga P164.36 bilyones.

Human sa PDC ang PAPs iendorso usab ngadto sa RDC-7 diin si Baricuatro gihapon ang nangulo. — /BDB (BANAT NEWS)