VP Duterte nihimakak sa akusasyon sa Malacañang
CEBU, Philippines — Gipanghimakak ni bise Presidente Sara Duterte ang alegasyon sa Malacañang nga iyang gipakatap ang dili tinuod nga impormasyon, human giingon ni Presidential Communications Undersecretary Claire Castro nga siya adunay “talent for spreading falsehoods.”
Sa nasayran miingon si Castro nga ang pipila ka pamahayag ni Duterte lisod tuohan ug kinahanglan maglikay sa pagpakatap og sayop nga impormasyon.
Misukol si Duterte ug mitubag nga si Castro mismo ang nakapahimo og kadaut sa reputasyon sa Palasyo isip spokesperson, ug iyang giprotektahan ang iyang kaugalingong baruganan ug integridad.
“I’ve been saying it over and over again, that Claire Castro brings shame to our country because she is the spokesperson of the Office of the President. If the Office of the President speaks, the whole world listens, not just our countrymen. If that’s what she says, she is bringing shame to our country,” Segun pa ni Duterte.
Hinuon wala pa siya motubag direkta sa mga pangutana bahin sa posible niyang plano sa 2028 nga eleksyon.
Ang isyu naglibot sa mga pamahayag ni Duterte bahin sa gobyerno ug administrasyon nga giingong misleading sa Palasyo. (BANAT NEWS)
- Latest
