331 nadakpan
CEBU, Philippines — Moabot 331 ka mga tawo ang nangadakpan sa nagkalain-laing police units sa Police Regional Office (PRO)-7 gikan sa Enero 25 hangtod sa 31, 2026 sa tibuok Central Visayas.
Kapin P3 milyones nga balor sa illegal nga drugas, mga armas, eksplosibo, ug pusta sa ilegal nga sugal ang nasakmit sa nagkalainlaing buhatan sa kapolisan.
Sa kampanya kontra ilegal nga drugas nakapahigayon sila og 132 anti-illegal drug operations, miresulta kini sa pagkasikop sa 166 drug personalities.
Nasakmit sab sa otoridad ang 442.98 grams sa illegal drugs nga nagkantidad og PhP3,012,264.
Sa operasyon batok illegal gambling, niresulta kini sa pagdakop sa 70 ka individuals, sagad nila nalambigit sa illegal number games, card games, cara y cruz, ug cockfighting activities. Nakompiskar sab sa kapulisan ang kapin P16,000 nga pusta.
Sa intensified campaign batok wanted persons, ang PRO-7 malampuson nga nakadakop sa 10 ka Most Wanted Persons ug 66 ka other wanted individuals.
Samtang sa kampanya batok loose firearms, 19 ka tawo ang nadakpan, 37 loose firearms, duha ka explosives, ug 66 ka buok bala ang nasakmit.
“These accomplishments demonstrate PRO7’s firm commitment to the PNP’s focus agenda and our relentless campaign against criminality. We will continue to intensify our operations to protect our communities and ensure a safe and secure Central Visayas," matud ni PRO-7 Regional Director Police Brigadier General Redrico Maranan. IBM BANAT NEWS
- Latest
