Waste Management Board giumol sa Kapitolyo  

CEBU, Philippines — Miumol og Provincial Solid Waste Management Board ang kapitolyo alang sa pagpatuman niini og province-wide nga cleanliness and waste management program.

Si Gobernador Pamela Baricuatro miluwat og executive order no. 3 nga nag-institutionalized sa Provincial Cleanliness and Waste Management Plan isip opisyal nga provincial framework alang sa kalimpyo sa palibot, waste reduction, segregation, recycling, composting ug environmental discipline sa Probinsya sa Sugbo.

“The Province of Cebu recognizes that fragmented and sector-specific efforts are insufficient, and that a province-wide, measurable, transparent, and participatory plan is necessary to achieve lasting cleanliness outcomes,” matud pa sa EO ni Baricuatro.

Nakita sa kapitolyo nga importante nga dunay plano alang sa maayong pagdumala sa paglabay ug basura ug paglimpyo subay sa the Ecological Solid Waste Management Act of 2000 ug sa Local Government Code of 1991.

Tinguha sa maong plano nga maminusan ang paglabay og basura sa bisag asa sa probinsya, pagpromote sa maayong paglabay sa basura, pagpanalipod sa panglawas sa publiko ug marine ecosystem, ug mapahingosgan ang transparency ug tulobagon pinaagi sa data-driven monitoring.

Sa maong inisyatiba giawhag usab ang aktibong partisipasyon sa mga panimalay, mga patigayon, eskwelahan, civil society groups ug religouse organization alang sa pag-promote og kalimpyo ug maayong paglbay sa basura sa lalawigan.

Sa maong plano, gilatid ang short term ug long term nga solusyon sa problema sa basura.

 Sa short term, sulod sa unom ka bulan hangtod sa 12 ka bulan o usa ka tuig, ang probinsya uban sa mga munisipyo ug component cities niini ug target nga maminusan ang paglabay sa basura sa kadalanan, merkado, waterways, ug coastal zones.

Ang mga LGU gi-require nga makaumol og cleanliness and waste management task force alang sa estriktong pagpatuman sa maong plano.

Samtang sa long term, o tulo ka tuig hangtud sa lima ka tuig, tinguha sa probinsya nga mapalambo ang recycling ug composting rates, mamenusan ang waste generation, molambo ang public health ug dili na mahimong dependent sa landfill ang lalawigan.

“The plan aims to reduce litter and improper waste disposal, promote waste segregation at source, protect public health and coastal marine ecosystems, and strengthen transparency and accountability through data-driven monitoring,” matud pa sa Capitol Information Office.

Ang Provincial Solid Waste Management Board pangulohan sa gobernador sa otorisado nga representante niini, samtang ang Vice Chairman mao ang Provincial Administrator Ace Durano.

Ang mga miyembro mao ang mga mayor sa LGUs, mga opisyal sa probinsya, mga representante sa congressional districts, civil society organizations ug pribadong sektor. (BANAT NEWS)