10 balay nasunog sa Mambaling

CEBU, Philippines — Dili mominos sa napulo ka panimalay ang apektado sa pag-ulbo sa sunog sa may sitio Kolo, Barangay Mambaling ning Dakbayan sa Sugbo, kagahapon sa hapon adlaw nga Biyernes.

Ang sunog naglambigit og residential houses nga giingong nagsugod sa balay nga gipanag-iya ni Francisco Vestil Jr. Ang sunog nakontrolar ala 1:38 ug hingpit nga na fire out alas dos singko sa hapon.

Ang imbestigador sa kabomberohan padayon pa sa ilang imbestigasyon lakip ang pagsuta sa danyos sa maong sunog. Wala silay natala nga nakalas o naang sa maong insidente.

Usa ka ka Jocelyn Pajulas, biktima sa maong sunog nitug-an nga adunay nisyagit nga sunog hinungdan dali-dali sila sa paggawas apan wala na silay nadalang mga gamit.

Si Pajulas, igo nalang sa paghilak human adunay mga gamit nga gipatrabaho sa iyang bana nga adunay kantidad ug nagproblema siya kung asa sila og ikabayad niini.

 Samtang ang Department of Social Welfare and Services nakatala og lima ka balay nga apektado nga adunay 27 ka pamilya o 89 ka individuals nga temporaryong gipasilong sa barangay sports complex.

Sa laing bahin, nakadawat og pinansiyal nga ayuda gikan sa  lokal nga kagamhanan ang mga molupyo sa Zone Talong sa Barangay Paknaan,  Siyudad sa Mandaue.

Gipangulohan ni Mayor Thadeo  Jovito “Jonkie” Ouano sa pagtunol tabang pinansyal ngadto  sa mga biktima sa nahitabong sunog niadtong Enero 18 sa maong dapit.

Sa nasayran nga  P10,000 ang mga tag-iya sa 14 ka balay nga totally damaged ug P5,000 sa 6 ka tag-iya sa partially damaged nga mga balay ug 14 ka mga renter o sharer. IBM BANAT NEWS