Comar gihangyo nga magpabilin una sa CCDRRMO

CEBU, Philippines — Naabot na sa iyang retirement age nga 65 anyos si Cebu City’s Disaster Risk Reduction and Management Office (CCDRRMO) chief Aderson Comar apan padayon siya sa pag serbisyo.

Kini human mohangyo kaniya si Cebu City mayor Nestor Archival Sr. nga magpabilin samtang naka pending pa ang formal nga kamanduan.

Si Comar nikompirmar sa The Freeman nga siya nagsaulog sa iyang ika-65 nga adlaw nga natawhan niadtong Enero 17, ug mao na unta ang iyang kataposang adlaw sa pagpanerbisyo sa gobyerno.

Inay nga magsaulog sa iyang adlaw nga natawhan didto siya sa Binaliw aron maoy mangulo sa retrieval operations sa mga nabiktima sa trash slide.

“Retire ko atong Jan. 17., But pagstorya atong niaging Thursday and instruction ni mayor, padayon, stay put…As is, where is,” segun pa ni Comar.

Base sa rule sa Civil Service Commission, ang retirement motakdo gyud sa edad nga 65, apan posible ang extension kun ang appointing authority mo-isyu ug direktiba o mo designate niini isip co?terminus. suma pa ni Comar.

Giangkon ni Comar nga wala pa siya makadawat og memo nga nagtudlo kaniya isip officer?in?charge o naglugway sa iyang tenure o dunay laing opisyal nga gitudlo nga maoy mangu sa CCDRMO.

“Lisod e lihok?lihok ug walay order, ka ma?technical man ta,” pasabot pa niya ug miklaro nga wa pa siya makapirma og bag-ong dokomento.

Hinoon si Comar miangkon nga kinahanglan pa siya nga mo-file sa iyang retirement papers, apan siya miingon nga mahimong malugwayan ni mayor Archival ang iyang termino hangtud sa tulo ka buwan, usa ka tuig o itudlo siya isip co?terminus.

Sa nasayran si Comar usa na usab ka retired fire marshal sa wala pa siya mangu sa CCDRRMO, ug nakita usab ang iyang taas nga kasinatian sa emergency response.

Siya niserbisyo usab kaniadto isip executive director sa Prevention, Restoration, Order, Beautification, and Enhancement (PROBE) office sa wala pa ma reassigned balik sa disaster management. — /MEL (BANAT NEWS)