Walay pinoy nga naapektahan
CEBU, Philippines — Gipahibawo sa Philippine Embassy sa Indonesia nga walay mga Filipinos nga gikatahung nalakip sa mga casualty human sa nahitabong landslide sa Bandung, West Java, nga nikalas og dili mominus walo ka tawo ug laing 82 ang na missing.
Sa usa ka statement niadtong Sabado, Enero 24, giklaro sa embassy way Filipino ang gikatahung naapektuhan sa insidente.
“The Embassy continues to monitor the situation of Filipinos in the area and hopes that the search and rescue operations of Indonesian authorities will recover more survivors,” pagbasa sa statement sa embahada.
Segun sa report sa embahada, nahitabo ang landslide didto sa Cisarua district, bukiran nga rehiyon nga nahimutang layo gikan sa city center niadtong Enero 24, 2026.
Nahitabo ang landslide gumikan sa way hunong nga pag-uwan nga naka-apekto sa gibana-bana nga mokabat sa 113 ka pamilya.
Samtang gikatahu nga luwas ang 23 ka indibidwal, nagpadayon ang rescue operations sa 82 ka tawo nga nagpabiling missing suma pa sa embahada.
Gibutang na ubos sa emergency alert status sa local nga kagamhanan sa Indonesia ang nahisgutang dapit ug giawhag ang mga residente nga magpabilin nga magbantay ug mobakwit na sa higayon nga mograbe ang sitwasyon. — Wires/MEL (BANAT NEWS)
- Latest
