FAITH Program gilusad sa Probinsiya sa Sugbo sa Bantayan

CEBU, Philippines — Ang Probinsiya sa Sugbo pinaagi sa Cebu Provincial Agriculture Office (PAG) milusad sa Food Always in The Home (FAITH) Program sa isla sa Bantayan ug nang-apud-apod og agri-fishery inputs ngadto sa mga mag-uuma ug mananagat sa lungsod sa Bantayan, Madridejos ug Santa Fe.

Ang distribusyon gipahigayon sa Bantigue Gymnasium nga kabahin sa food security initiative sa Kapitolyo nga ang tinguha mao ang pagsiguro nga adunay pagkaon sa matag panimalay sa pamilyang Sugboanon. Ang mga benepesyaryo nakadawat og poultry, seeds, fertilizers, fishing gear ug ubang agricultural inputs alang sa pagpalambo sa lokal nga food production ug mapahingosgan ang panginabuhian sa mga island municipalities.

Moabot ngadto sa 356 ka manok sunoy, 712 ka hingankan ang gihatag. Aduna pay 258 sets sa lain-lain nga vegetable seeds ug 100 ka bags sa open-pollinated variety white corn seeds. Apil sa nadawat sa mga mag-uuma ang mga foliar fertilizers, apil na ang lima (5) ka kahon sa utanon nga moabot sa 60 ka kilo ug usa ka 12-kilograms nga kahon sa cacao.

Alang sa fisheries sector, ang mga beneficiaries nakadawat og upat ka sets sa materyales alang sa marine protected areas, 60 ka sets sa multiple hook-and-line fishing gear ug 12 ka sets sa fish aggregating devices.  Sa maong programa, naghatag sab og 1,000 assorted fruit tree seedlings pagsuporta sa long-term food production. (BANAT NEWS)