Mata ug ulo sa kontra gikitkit
CEBU, Philippines — Nabalhog sa prisohan ang usa ka 23-anyos nga lalake nga e-bike driver human kini gireklamo sa laing e-bike driver kay matud pa gipaak iyahang mata ug ulo diha sa F. Jaca Street, Barangay Inayawan, siyudad sa Sugbo niadtong Miyerkules sa gabii, Enero 21, 2026.
Ang gipadakop mao si alyas Cy, 23 , taga Sitio Tal-ot, Barangay Inayawan samtang ang biktima mao si alyas Roger, 46, taga Barangay Asinan, Barangay Inayawan.
Ang biktima nagpakitabang sa kapulisan ug mialegar nga gipaak sa suspek hinungdan nasamad ang iyang tuo nga mata ug ulo.
Ang ang suspect nga nahinabi sa Banat News mihimakak nga gipaak niya ang biktima. Sigon sa suspetsado nga nag drive siya og e-bike dihang gipatiran siya sa biktima.
Nibawos siya og patid ug didto nahitabo ang pagsumbagay sa duha.
"Wala man ko mopaak sa mata," matud sa suspect.
Matud pa nga sa miaging adlaw nagkabikil na sila sa biktima kay nag ilog sa pasahero ug giingong gibaharan siya biktima nga dunggabon ug patyon. (BANAT NEWS)
- Latest
