Dul-an 100 ka balay sa Tejero naugdaw
CEBU, Philippines — Usa ka dakong sunog niulbo sa Villagonzalo 1 sitio Riverside, Barangay Tejero ning Dakbayan sa Sugbo diin kapin 200 ka pamilya ang nawad-an og panimalay sayo sa buntag adlaw nga Sabado, Enero 10,2026.
Ang sunog niulbo alas 5:22 nga naglambigit sa kabalayan. Giingong nagsugod kini sa panimalay ni Jonathan Duterte.
Hingpit nga napawong pasado alas-7 na sa buntag, walay nakalas sa maong hitabo apan naangol si Duterte tungod sa pagkapaso sa iyang walang kamot.
Padayon pa ang imbestigasyon sa kabomberohan sa hinungdan sa maong sunog. Gibana-bana nga P2.4 milyones ang danyos sa maong sunog.
Ang Department of Social Welfare and Services nakatala og 128 ka panimalay ang nasunog nga gipuy-an sa 202 ka pamilya o 714 ka tawo.
Sa ilang talaan tulo ka tawo ang naangol nga anaa karon sa tambalanan.
- Latest
