Walk with Jesus himuon karong kadlawon

CEBU, Philippines — Karong adlawa ipahigayon ang Walk with Jesus isip opisyal nga pagbukas sa 461st Fiesta celebration sa Balaang Bata Sr. Sto. Niño. Sugdan kini alas 4 sa kadlawon gikan sa Fuente Osmeña Circle padulong sa Basilica Minore del Sto. Niño.

Gipanglantawan nga dagsaon sa mga deboto ang Penitential Walk with Jesus.  Subay niini, duha ka oras sa dili pa ang kalihukan ipakatap na sa Cebu City Police Office ang ilahang mga personnel inabagan sa force multipliers.  Dunay mga police nga magbarog kada singko metros sa rota sa procession kini aron masiguro ang kahapsay ug malinawon nga pagpahigayon sa kalikuhan.

Si Fr. Jules Van Almerez, ang media Liaison sa basilica nga andam na sila sa maong kalihokan karong kadlawon.

Gipaabot nila nga karong adlawa magsugwak na ang manimba nga mga deboto tungod sa misa novena nga sagad buhaton sa mga dunay mga panaad sa Balaang Bata.

Gibana-bana nilang dili moubos sa 800,000 ngadto sa usa ka milyon ka mga magtutuo ang motambong sa Walk with Jesus karong kadlawon. (BANAT NEWS)