PROBE pasumitihon og report sulod sa 24 oras
CEBU, Philippines — Gimandoan sa city legal ang Prevention, Restoration, Order, Beautification, and Enhancement (PROBE) sa pagsumite og report kalabot sa nahitabong komosyon tali sa manindahay og tubig ug personnel sa PROBE sa niaging mga adlaw diin ang insidente nahitabo diha atubangan sa Cebu City Hall.
Kini ang gibutyag ni Mayor Nestor Archival, Sr. atol sa gipahigayon nga press conference.
Matud ni Archival nga adunay memorandum gikan sa city legal nga gihatag ngadto sa pangulo sa PROBE Ronnie Maquiling nga moduso kini ug report kalabot sa maong insidente sulod sa 24 oras.
Gibutyag ni Archival nga pinaagi sa report nga isumite ngadto sa iyang gitahasan nga team adto na unya tan-awon ang aksiyon alang sa mga nalambigit sa maong hitabo.
Si Archival nipadayag sa iyang paghangop sa gihimo ug tinguha ni Konsehal Jun Alcover sa pagdala sa tindero ngadto sa Commission on Human Rights. (BANAT NEWS)
- Latest
