480 ka bag-ong polis nanumpa

CEBU, Philippines —  Ang Police Regional Office(PRO)-7 nipapanumpa og dugang 480 ka bag-ong rekrut nga mga polis niadtong Disyembre 26, 2025 diha sa Regional Training Center 7 (RTC7), Camp Jesse M. Robredo, Barangay Jugan, Lungsod sa Consolacion.

Ang oath-taking ceremony gipangulohan ni Police Brigadier General Redrico Maranan, Regional Director sa PRO7, kinsa mipasabot sa mga rekrut nga masukod ang kusog sa mga polis dili sa gidaghanon kondili sa klarong tumong, disiplina ug kaandam moserbisyo.

Sa kapin 1,000 ka aplikante, naa lang sa 480 recruits ang nakalampos sa stringent ug merit-based recruitment process sa Philippine National Police ubos sa CY 2025 Attrition ug Regular Recruitment Programs. Gipaniguro nila nga kadto ra gyung mga kwalipikado ug value-driven individuals ang nakasulod sa organisasyon.

Sa 480 recruits, ang 360 niini nadawat ubos sa attrition quota nga gilangkuban sa 314 ka mga lalaki ug 36 ka mga babaye, samtang 130 recruits ang nakakompleto sa tanang requirements ubos sa regular recruitment program nga gilangkuban sa 117 ka lalaki ug 13 ka babaye.

Ang attrition quota mao ang pagkuha og bag-ong mga polis para ipuli sa mga niretiro na sa serbisyo, nataktak ug nangmatay sa serbisyo.

Samtang ang regular recruitment mao ang naandang dugang polis para sa pwersa sa