Pamilyang Gullas nanghatag og pinaskohan sa Kabataan
CEBU, Philippines — Nanghatag og pinaskohan ang pamilya ni Talisay City mayor Gerald Anthony “Samsam” Gullas sa siyudad sa Talisay ngadto sa mga kabataan sa Barangay Lawaan 1.
Matud pa sa mayor nga tradisyon na kini sa ilang pamilya sud sa walo ka tuig nga pahalipayan ang kabataan sa ilang barangay.
Sigon pa ni Gullas nga simple lang kini nga pinaskohan apan nagpahinumdom kini kung unsa gyud ang tinuod nga espiritu sa pasko. Kuyog sa mayor ang iyang asawa nga si kongresista Rhea Gullas sa unang distrito ug ang iyang mga anak.
Sud sa walo ka tuig, kuyog niya ang iyang anak nga si Princess hangtud karon nga naa na si Pee, Piding ug ang umaabot nila nga bata. Nagkanayon si Gullas nga bisan paman sa panghitabo ug pagsuway sa ilang pamilya naa gihapon ang ilang pagpanghatag isip pagpakita sa pasalamat.
“Despite all the challenges we faced this year, this gift giving is our simple way of giving thanks. Pasalamat gihapon ta ni God and Snr. Sto. Niño for the guidance and blessings nga gihatag niya kanatong tanan,” asoy pa ni Gullas.
Iyang gipasalamatan ang tanan nga nitabang ug mitampo sa kalihukan. (BANAT NEWS)
- Latest



















