Sunog miulbo sa Sambag

CEBU, Philippines —  Nagbilin og P375,000 nga danyos ang sunog nga niulbo sa Sitio Esmara B. Rodriguez, Barangay Sambag 2 sa Dakbayan sa Sugbo alas-11 pasado, adlaw nga Sabado, Disyembre 20, 2025.

Ang sunog naglambigit og residential house nga giingong iya ni Emily Buenavista.  Ang sunog giingong giisa lang sa 1st alarm, nakontrolar sab dayun ug napawong ala-una sa hapon.  Padayon pa ang imbestigasyon sa kabomberohan may kalabutan sa maong insidente sa sunog diin wala hinooy gikataho nga nakalas o naangol.

Dili mominos sa napulo na panimalay ang hingpit nga naugdaw ug upat ang partial nga nakan-an sa kayo.  Sa talaan sa Department of Social Welfare and Services katorse ka panimalay ang nasunog nga adunay 41 ka pamilya o 133 ka individual ang apektado.  Padayon pa hinoon karon nihimo og assessment ang dsws sa mga biktima ug lakip ang paghatag kanila og dinalian nga ayuda sama sa mga pagkaon. (BANAT NEWS)