Duha nadakpan sa drug bust
CEBU, Philippines — Nadakpan sa mga operatiba sa Provincial Intelligence Unit/Provincial Drug Enforcement Group Bohol Police Provincial Office(BPPO) ang usa ka high value individual atol sa buy-bust operation sa Purok 3, Barangay Poblacion, Lungsod sa Sierra Bullones, Probinsiya sa Bohol niadtong Sabado sa buntag, Disyembre 13, 2025.
Ang nasikop nila si alyas Maria, 27, nga maoy subject sa buy-bust operation. Apil sab sa nadakpan mao ang kauban niini nga 33-anyos nga lalake. Ang duha pulos taga Lungsod sa Carmen, Probinsiya sa Bohol.
Nasakmit sa otoridad ang 123.6 grams nga shabu nga nibalor og P840,480.
Apil sa nakompiskar buy-bust money, cellular phone, sling bag nga gigamit isip improvised container alang sa drug sachets ug motorsiklo.
Gawas sa illegal nga drugas nakuhaan sab ang mga suspetsado og kalibre .45 nga armas ug magazine nga dunay lima ka bala.
Nagtingkagol na karon sa prisohan ang mga suspetsado ug mag-atubang kini og kasong kalapasan sa Republic Act 9165 kun Comprehensive Dangerous Drugs Act of 2002 ug Republic Act 10591 o Comprehensive Firearms and Ammunition Regulation Act. — /IBM (BANAT NEWS)
- Latest
