12-anyos nalumos sa sapa

CEBU, Philippines — Patay ang usa ka 12-anyos nga lalaki human kini nalumos sa sapa sa Barangay Candulawan, Syudad sa Talisay niadtong Domingo sa hapon.

Ang namatay mao si alyas John Paul nga taga Baranagay Bulacao sa Siyudad sa Sugbo. Gikaingon nga nikuyog kini sa iyang higalang mga bata ug wala kini mananghid sa iyang ginikanan. Si Annalie, 41 anyos inahan sa  namatay nga wala siya magdahom nga maabot sa sapa sa Candulawan ang iyang anak.

Matud pa niya nga kanunay niya kini nga gipasidan-an nga gi gyud magpasagad sa pagkaligo sa dagat, swimming pool ug labaw na ang sapa tungod kay dili kini makamao molangoy.

Apan niadtong higayona niambak ang iyang anak sa sapa hangtud nga nalumos. Nakuha sa video nga gisuwayan pa kini sa pagluwas ni John Boy Abendan kinsa miagi lang sa dapit. Gani nadala pa kini sa tambalanan apan nakabsan na gyud kini sa iyang kinabuhi.  Wa nay plano nga ipaimbestigar sa pamilya ang nahitabo tungod kay nadawat na nila nga disgrasya ang nahitabo sa ikatulo nila nga anak. IBM BANAT NEWS