Pagpalit og school supplies aprobado na sa CPSB
CEBU, Philippines — Aprobado sa Cebu Provincial School Board ang pagpalit og school supplies sa mga tinun-an ubos sa Department of Education Cebu Province sa sunod tuig.
Apil sa paliton nga mga gamit t sa mga tinun-an mao ang school bags, pad paper, notebooks, ball pen, lapis, crayons, rulers ug mga sandal.
Ug kong aduna pay pundo nagplano usab ang school board pagpalit og tumblers ug document bags sa mga magtutudlo.
Matud ni Atty. Roy Salubre , provincial treasurer nga P1.143 bilyon nga pundo ang mamahimong magamit.
Ang school board gipangulohan kini ni Governor Pamela Baricuatro dili pa makasuta pila ang mapalit nga school supplies gumikan kay wala pa masayri pila ang gidaghanon sa enrollees alang sa sunod nga school year.
Apan matud ni Dr. Senen Priscillo Paulin, schools division superintendent nga base sa ilang datos niabot ngadto sa 886,711ka enrollees karong tuiga ug ilang gilaoman nga adunay 10 porsyento nga pagsaka sa sunod tuig. (BANAT NEWS)
- Latest















