Nalatayan sa trak patay
CEBU, Philippines — Usa ang patay sa nahitabong karambola sa trailer truck, multicab ug motorsiklo sa National Road sa Barangay Poblacion, Lungsod sa Liloan niadtong Biyernes sa gabii, December 5, 2025.
Ang mga nalambigit mao ang Howo trailer truck nga gimaneho ni Jerson Soriño Silva, 35 anyos, lumad nga taga Zamboanga del Norte.
Samtang ang Suzuki Multicab Utility Vehicle gimaneho ni Jonic Valiente Alcayde, 34, taga Barangay Tabok, Mandaue City ug ang motorsiklo nga Rusi Passion gimaneho ni Dennis De Lima Resaba, 49 anyos, taga Ilang-ilang, Barangay Lagtang, Talisay City.
Dunay angkas si Resaba nga si Nicasio Batoctoy Sayson, 43, taga Fortalize, Lungsod sa Tuburan ug maoy nakalas sa hitabo.
Base sa imbestigasyon sa kapolisan ang trailer truck, multicab ug ang motorsiklo pulos nagbiyahe padung sa amihanan.
Apan pag-abot sa naasoy nga dapit giingong nabanggaan sa motorsiklo ang multicab nga naa sa outer lane.
Natumba ang motorsiklo ug ang pasahero nalagpot ug nalatayan sa nagsunod nga trailer truck hinungdan sa hinanali niining kamatayon niini. (BANAT NEWS)
- Latest
