Safety protocols gipahinumdum sa mga establisamento

CEBU, Philippines — Gipahimangnoan sa buhatan sa Business Permit and Licensing Office (BPLO) ang mga tagdumala og business establishment sa siyudad sa Mandaue sa pagkuha gayod og special permit.

Suma pa ni Atty August Lizer Malate, pangulo sa BPLO sa siyudad sa Mandaue nga kini ang labing maayo nga buhaton sa mga establisamento ilabi na kun duna silay pasiugdahan nga kalihukan nga ipahaum sa pagsaulog sa Pasko.

Lakip sa mga business establishment nga giawhag sa pagkuha og special business permit mao ang mga bar, entertainment hub, recreational ug uban pa nga mga related activities.

“We know the Christmas season is coming, naa nay mga events ang uban business owners, especially kaning mga bar ug recreational areas,” suma pa ni Malate.  Si Atty Malate mipasabot sa pagkuha og business permit anha usab han-ayon ang mga guidelines.

Ang katuyoan niini mao ang paghatag og tukmang kasiguroan sa mga motambong ug malikay sa kadaut ang mosalmot unya nga mga customer.

Samtang gipadayag usab sa pangu sa BPLO nga ang siyudad padayon nga magmonitor sa pagpamaligya og fireworks, nga ubos sa hurisdiksyon sa Mandaue City Disaster Risk Reduction and Management Office (MCDRRMO).

Giklaro ni Malate nga gikinahanglan gihapon ang koordinasyon kun ugaling ang mga commercial establishments mosalmot sa mga fireworks-related activities. —Romeo T.   Limpangog/MEL

Ang City Peace and Order Council meeting ang gipangulohan ni Lapu-Lapu City Mayor Cindi King-Chan, Fire Chief Superintendent Fred Trajeras Jr.  ug Dr. Nei la Aquino, DILG director sa Siyudad sa Lapu-Lapu-Lapu.