BFP nagtinguha sa zero firecracker casualty
CEBU, Philippines — Ang Bureau of Fire Protection-7 nagtinguha karon sa zero firecracker related casualty atol sa pagsugat sa pasko ug bag-obg tuig.
Seryoso ang Bureau of Fire Protection sa ilang tinguha nga unta luwas ang tanan gikan sa peligro nga mamugna sa mga pabuto karong panahon sa pasko.
Apil sa susihon sa BFP ang mga dapit nga posibleng baligyaan og mga pabuto nga walay pagtugot o kinawat-kawat nga pagbaligya.
Sa mga gi-designate lang nga lugar nga adunay pagtugot sa mga awtoridad ang pwede makapamaligya sa firecrackers sa Dakbayan sa Sugbo.
Diha dapit sa South Road Property (SRP) ang gihimong display area sa mga pabuto matag tuig diin layo kini sa kabalayan.
Matud sa bag-ong direktor sa BFP-7 nga si Fire Chief Superintendent Fred Trajeras, Jr. nga mangunay siya sa pagsusi ug gimandoan na usab niya ang tanang mga hepe sa kabomberohan sa ilang tagsa-tagsa ka mga hurisdiksiyon sa hugot nga kampaniya paglikay sa pabuto.
Si Trajeras nagkanayon nga tinguha nila nga walay masamdan o makalas tungod sa pagbuto hinungdan nga nanawagan sila sa katawhan nga likayan nila ang paggamit sa pabuto ug gamiton nalang pagpangandam sa noche buena ang ipalit og pabuto. (BANAT NEWS)
- Latest
