Duha ka Devote City ang tukoron

CEBU, Philippines — Duha ka devotees city ang mahimong mapasilongan sa mga dumuduong sa dakbayan sa Sugbo atol sa Fiesta senyor sunod tuig 2026 matud pa ni Mayor Nestor Archival.  Matud pa ni Archival, andamon sa siyudad ang mga temporaryong mapuy-an sa mga dayo nga manindahay ug mga debotos sa Balaan nga Bata nga moanhi sa dakbayan panahon sa kapistahan.

Apan dili sama sa gibuhat kaniadto, duha na ka mga Devotees City ang tukoron human nga si Governor Pamela Baricuatro gusto usab nga adunay padulngan ang mga taga probinsya nga buot mamista sa siyudad, sumala pa ni Archival. Kaniadto, ang tanang dayo gikan sa gawas sa isla sa Sugbu ug sa mismong gikan sa mga kalungsoran sa probinsiya sa Sugbu nga walay paryente o mapuy-an dinhi sa siyudad atol sa pista , pwedeng anha mopuyo sa devotee city sa siyudad.

Dugang pa ni Archival, ilang gitanyag sa probinsya ang kanhi Quarantine Area Covid19 nga nahimutang sa may North Reclamation Area para sa mga taga probinsya sa Sugbu. Gipahibalo ni Archival, ang probinsya sa Sugbo nipasalig nga mobutang og mobile kitchen sa ilang devotees city.  — IBM  BANAT NEWS