Ex-public school teacher nadakpan sa buy-bust

CEBU, Philippines —  Nadakpan sa kapulisan sa Guadalupe Police Station 9 Cebu City Police Office ang usa ka kanhi public school teacher atol sa buy-bust operation sa Sitio Forestry, Barangay Kalunasan, dakbayan sa Sugbo niadtong Biyernes sa gabii, Nobyembre 21, 2025.

Nadakpan otoridad si Garry James Tumulak Dela Cerna alyas Garry, 44, kanhi public school teacher nga nagpuyo sa Sitio Santol, Barangay Sirao, Cebu City.

Nakuhaan ang suspetsado og 200 grams nga shabu nga nagkantidad og P1.3 million. Ang maong operasyon bunga sa impormasyong nadawat sa kapulisan labot sa illegal nga kalihukan sa suspetsado.

Ang mga ebidensya nga nasakmit gisumetir na sa Cebu City Forensic Unit-7 alang sa eksaminasyon.

Samtang nadakpan sab sa Inayawan Police Station 7 ang 34-anyos nga lalake sa ilahang buy-bust operation sa E. Sabellano St., Brgy. Basak Pardo, Cebu City pasado alas 10 kagahapon sa buntag, Sabado, Nobyembre 22, 2025. Ang nadakpan mao si Jeffrey Cababahay Pinili, 34 anyos, nagpuyo sa E. Sabellano St., Brgy. Basak Pardo.  Nasakmit gikan sa dinakpan ang 105 grams nga shabu nga nibalor og P714,000 ug isumetir sa Cebu City Forensic Unit alang sa examination.

Kasong kalapasan sa Republic Act 9165 ang ipasaka batok sa duha ka mga suspetsado. (BANAT NEWS)