PRO-7 ni-activate sa STG TINO, Kapitolyo niumol og task force   

CEBU, Philippines — Ang Police Regional Office(PRO)-7 ni-activate sa Special Investigation Task Group (SITG) TINO, usa ka multi-agency team nga gitahasan sa pag-imbestiga sa full circumstances sa grabeng baha nga nakahatag og dakong kadaot sa komunidad dihang nikuso-kuso ang bagyong Tino.

Ang task group nagsuporta usab sa Independent Commission for Infrastructure (ICI) Project Investigation nga nag-reinforce sa government's effort aron pagsuta sa hinungdan sa katalagman.

Mohimo ang SITG TINO og coordinated ug transparent investigation nga nakatutok sa environmental conditions, infrastructure integrity ug disaster preparedness measures.

Tan-awon usab sa imbestigasyon ang posibleng lapso ug pagdeterminar sa potential liabilities sa government officials ug personnel partikular sa flood control systems, mitigation efforts, ug ubang hinungdan nga nakatampo sa nagkagrabe nga baha nga niresulta sa kamatayon sa mga tawo ug aduna pay pay  missing, naangol ug mga kabtangan nga nahanaw.

Hugot nga makig-collaborate ang task group sa Department of Public Works and Highways (DPWH), Department of Environment and Natural Resources (DENR), Regional Disaster Risk Reduction and Management Council-7 (RDRRMC), Philippine Atmospheric Geophysical and Astronomical Services Administration (PAGASA), local government units (LGUs), ug ubang key partners aron makakuha og technical assessments, eyewitness accounts, ug field data.

Ang SITG TINO pangulohan sa Deputy Regional Director for Operations sa PRO-7 uban ang regional chief sa Criminal Investigation and Detection Group-Regional Field Unit-7 isip vice chairperson.

Ang mga miyembro niini mao ang regional heads sa Intelligence Unit-7, Legal Office- 7, Engineering Unit-7, Forensics Unit-7, Investigation and Detective Management Division, city ug provincial directors sa Cebu City Police Office, Mandaue City Police Office ug Cebu Police Provincial Office.

Si PRO-7 Director Police Brigadier General Redrico A Maranan nitataw sa significance nga mandato sa task group.

Magsugod dayon ang SITG TINO sa pakig-alayon sa partner agencies ug sugdan ang imbestigasyon, technical, ug field assessments aron makapagawas og kompleto, accurate ug transparent report.

Sa laing bahin, niumol og Metro Cebu Flood Control and Drainage System Implementation Task Force si Gobernador Pamela Baricuatro sa pagpatuman sa flood control ug drainage system sa Probinsiya sa Sugbo.

Ubos sa kamandoan ni Baricuatro nga ang task force maoy magsilbing primary coordinating, planning, ug implementing body sa Probinsiya sa Sugbo alag sa pagpalambo sa drainage ug flood control management sa Metro Cebu.

Ang maong task force pangulohan sa gobernador isip maoy chairman samtang ang bise gobernador maoy vice chairperson.

Ang mga miyembro niini langkuban sa pipila ka department heads ug regional directors sa mga concerned nga national government agencies. (BANAT NEWS)