P4.4 milyong shabu nasakmit

CEBU, Philippines — Nasakmit sa mga operatiba sa City Intelligence Unit sa Cebu City Police Office(CCPO) ang binulto nga ilegal nga drugas sa buy-bust operation sa Sitio Kamansi, Barangay Lorega San Miguel, Siyudad sa Sugbo niadtong Lunes sa gabiI, November 18, 2025.

Nadakpan Ang subject sa operasyon nga si Josephus Samson Salamanca alyas Epot, 39, nga usa ka high value individual ug nakuhaan og 500 grams nga shabu nga nagkantidad og P3.4 million.

Nasayran ang suspetsado bag-ong nakagawas sa prisohan niadtong September 30, 2025 ug nibalik dayun sa pagpamaligya og ilegal nga drugas.

Ang area of disposal niini kay Barangay Lorega San Miguel ug Lungsod sa Minglanilla.

Samtang nadakpan sab sa mga operatiba sa PDEA Lapu-Lapu City Office ug Lapu-Lapu City Police Office Station 3 ang usa ka food delivery driver aa ilahang buy-bust operation sa Kalabasa II, Barangay Gun-ob, Dakbayan sa Lapu-Lapu niadtong November 18, 2025.

Si PDEA 7 Regional Director Joel Plaza miila sa nadakpan nga suspect nga si alyas Dither, 27, nagpuyo sa Barangay Ermita sa Cebu City.

Nasakmit atol sa operasyon ang napulo ka putos sa gituohang shabu nga nitimbang og 150 gramos ug nagkantidad og kapin sa P1 million, buy-bust money, usa ka cellular phone ug ubang non-drug evidence.

Kasong kalapasan sa Republic Act 9165 ang ipasaka batok sa mga dinakpan. IBM  BANAT NEWS