INC nilusad og anti-corruption rally

CEBU, Philippines — Gilusad sa Iglesia ni Kristo ang ilang anti-corruption rally didto sa Quirino Grandstand sa kaulohan pinaagi sa pagtambong sa kaliboan nilang mga miyembro.

Ang Philippine National Police (PNP) mipasidaan sa mga sakop nga mosunod gyud sa "maximum tolerance" atol sa maong tulo ka adlaw nga rally sa Manila.

Si PNP Chief Police Lieutenant General Jose Nartatez Jr. mipahinumdom sa mga sakop nga ang papel sa kapolisan mao ang pagprotektar sa tanan ug ang paggamit og kusog kataposan ng pamaagi apan kun gikinahanglan gyud gamiton.

"As you begin your three-day deployment in the assembly sites and other strategic areas, let me remind again that we have no business of using our power and authority to intimidate and hurt the civilians that we vowed to serve and protect," pamahayag pang Nartatez. Gipasidan-an sab sila nga dako ang papel sa kapolisan sa demokratikong nasud ug duna silay tulobagon sa Konstitusyon.

"Let me also emphasize that we in the Philippine National Police are not the savior of this country, rather, we are the protector of the Philippines, its people, its laws, and all the democratic institutions it represents," pasabot pa niya.

Ang rally sa INC matapos karong Nobiyembre 18. Ang PNP mi-deploy og 16,664 ka polis para ani nga kalihokan.

Sa laing bahin, si AFP Chief of Staff Gen. Romeo Brawner Jr. mipasalig sa publiko ang nga AFP dili mohimo og mga aksyon nga kalapasan sa Konstitusyon.

"Amid ongoing speculation circulating in various platforms, we assure our countrymen that the AFP is focused on its mandate. Our soldiers perform their duties with professionalism, unity, and full respect for civilian authority," dugang pa niya.

Sa pikas bahin, ang giawhag sa mga Obispo ang katawhan nga dili mohimo og mga lakang nga “extra – constitutional acts” nga makapasabot sa problema sa nasud karon.

Sa usa ka pastoral letter nga gipagawas niadtong Sabado, November 16, si Manila Archbishop Jose Cardinal Advincula miawhag sa publiko apil na sa kapolisan ug kasundalohan nga ipatigbabaw gyud ang rule of law.

"We must always adhere to the rule of law and resist any calls for extra-constitutional means to solve our problems," matud pa sa pastoral statement.

"Our loyalty must be to our country and its democratic principles, not to persons, and certainly not to ambition," dugang pa niini.

Giawhag niya ang PNP ug AFP nga ipatigbabaw kanunay ang Konstitusyon isip tigpanalipod niini ug kalig-on sa nasud pagprotektar sa demokratikong institusyon. Karong Nobiyembre 30, dunay laing rally nga himuon sama sa Trillion Peso March nga gihimo niadtong September 21. — /IBM (BANAT NEWS)