Ex-convict gipusil samtang naglakaw
CEBU, Philippines — Nalandig sa tambalanan ang usa ka 32-anyos nga lakaki nga gikatahong ex-convict human kini pusila samtang naglakaw diha sa Sitio Friendship, Barangay Basak San Nicolas, Dakbayan sa Sugbo kagahapon sa kadlawon.
Ang biktima mao si Christian Jumao-as, ex-convict, walay trabaho, residente sa naasoy nga lugar.
Ang Mambaling Police Station sa Cebu City Police Office nakadawat og tawag gikan sa concerned citizen kalabot sa samaran nga tawo sa lugar ug ilaha dayon kining girespondehan.
Base sa imbestigasyon sa kapolisan nga samtang naglakaw ang biktima padong sa ilahang balay ang kriminal sa walay igong rason gipusil ang biktima tulo ka higayon.
Ang biktima dali kining gidala diha sa Cebu City Medical Center.
Kalambigitan sa ilegal nga drugas ang gisubay sa kapolisan nga motibo sa maong krimen.
Samtang nihimo na og hot pursuit operation ang kapolisan batok sa responsable sa krimen kinsa nailhan na.
- Latest
