Pribadong indibidwal mitabang sa clearing operation sa Talisay

CEBU, Philippines — Nitabang sa pagpanglimpyo ang mga pribadong indibidwal diha sa lugar nga gibahaan sa Dakbayan sa Talisay.

Lakip na dinhi ang grupo ni kanhi barangay konsehal Janli Bas nga adunay nagamit nga mga heavy equipment gikan sa iyang negusyo. Siya sab ang midawat sa mga hinabang gikan sa iyang mga higala aron mapaambit niya ngadto sa mga biktima sa baha. Usa sa mga residenti sa Deca Homes Subdivision ang nipaabot sa dakong pasalamat tungod kay gawas sa lokal nga kagamhanan naa sab laing grupo nga naglihok aron makabalik na sa normal ang ilang pagpuyo.

Nagkanayon si Bas nga mas maayo ra nga kita ang motabang kaysa kita ang tabangan.

Asoy pa niya nga iyang nakita kung unsa kalisod ang kahimtang sa iyang mga silingan busa wa siya magduha-duha sa pag gahin og oras ug kagamitan aron nga makatabang.

Naa na sila sa ilang ika pito ka adlaw sa pagpahigayon og operasyon sa paglimpyo ug pag apud-apod og ginagmay nga hinabang.