Fluvial procession sa Imahen sa Birhen sa Regla malamposon
CEBU, Philippines — Malampuson ang gipahigayon nga tinuig nga fluvial procession sa Imahen sa Birhen sa Regla, patron sa siyudad sa Lapu-Lapu.
Kini giapilan sa 77 ka mga sakyanan sa kadagatan nga naglawig pinaagi sa pagpamidpid sa mga barangay nga nahimutang daplin sa kadagatan sa siyudad.
Gilangkuban kini sa 36 ka pump boats, 18 ka speed boats, 16 ka jet ski, lima ka navy boats, usa gikan sa Maritime Police ug usa ka private rubber boat.
Gihulagway sa mga nagdumala sa maong kalihokan nga mikunhod karon ang gidaghanon sa mga misalmot sa fluvial procession kun itandi sa miaging tuig 2024.
Sa miaging tuig nga fluvial procession gisalmutan kini sa gatusan ka mga sakyanan sa kadagatan nga naglangkob sa 50 ka mga pump boats, 20 ka motor banca ug 12 ka jet ski. Kini milabay sa Suba Basbas, Marigondon, Maribago, Agus, Punta Ingano, Mactan, Buaya, Ibo, Pusok, Pajo ug didto modunggo ang gallon sa Muelle Osmena Port sa Barangay Poblacion.
Gipahigayon usab ang mobo nga foot procession sa pagsulod na sa iyang simbahan ug gisugdan gilayon ang arrival mass ug ang unang nobinaryo sa kapistahan sa Birhen sa Regla.
- Latest
