Nakalas sa Probinsya sa Sugbu, 115 na

CEBU, Philippines —  Moabot na sa 115 ang nakalas sa Probinsya sa Sugbo human sa pangusokuso sa bagyong Tino niadtong Nobyembre 4, 2025 sumala pa sa Cebu Provincial Disaster Risk Reduction and Management Office (CPDRRMO) base sa alas 10 sa buntag nga report kagahapon, Nobyembre 11. Samtang moabot pa sa 46 ang missing ug 1, 139 ang naangol tungod sa bagyo. Sa maong report, 31 ang natala nga patay sa lungsod sa Compostela, samtang 362 ang naangol ug 23 pa ang missing;

Sa dakbayan sa Danao, siyam (9) ang patay ug usa ang mssing; 15 sab ang nakalas nga kinabuhi sa Manduae kon diin 1 na ang verified sa DILG pinaagi sa mga death certificate samtang aduna pay usa nga gipangita; sa Talisay adunay pito (7) ang patay ug unom ang naangol, ug walay missing; sa  Bantayan, usa ang casualty ug duha ang naangol; Usa ang natala pud nga nakalas nga kinabuhi sa Tabogon samtang tulo ang patay sa Asturias.

Sa Liloan, sumala sa report sa PDRRMO, 34 ang patay sa lungsod, 126 ang naangol ug tulo pa ang missing; sa Balamban ana na sa 14 ang nakalas nga kinabuhi, 643 ang naangol o samaran ug 15 pa ang padayon nga gipangita.

Pag-abot sa mga naguba nga panimalay, 11, 077 nangaguba nga balay kon diin 25, 656 ang totally damaged ug 1, 432 ang nabahaan nga balay.

Sa Asturias, ang Sta. Lucia Central School nakaangkon pud og kadaot human sa bagyo.

Sumala sa PDRRMO moabot na sa kapin P53 milyones ang nadawat nga monetary donations sa kapitolyo alang sa mga biktima sa bagyo.

Sa susamang report, dili momenus 58, 656 ka pamilya og 204, 751 ka indibidwal ang napabakwit tungod sa bagyo.  Ang uban sa mga bakwit ang namauli na hinoon sa ilang mga balay sama sa lungsod sa Carmen. (BANAT NEWS)