Clearing operation sa mga dagkong karsada nahuman na
MANILA, Philippines — Nakahuman na ang Department of Public Services (DPS) sa paglimpyo sa mga main roads sa siyudad gikan sa debris ug basura, sumala sa DPS head nga si Paul Gelasque. Matod niya, gihatagan og unang pagtagad sa DPS ang major line roads sulod sa miaging tulo ka adlaw, hinungdan nga wala sila nakahatag og trucks ngadto sa mga barangays sa maong panahon.
Karon nga nahuman na ang mainline clearing, nagsugod na ang DPS og paghatag og dugang trucks para mutabang sa barangay level clearing.
Miingon si Gelasque nga ang matag barangay anaa karon sa ilang tagsa-tagsa ka clearing operations, apan ang eksaktong porsiyento sa progreso sa trabaho, ang mga barangay kapitan maoy nasayod niini.
Sa preparasyon para sa Bagyong Uwan, giingon sa DPS nga andam na sila sa ilang bahin alang sa suga, water delivery ug garbage collection kon kinahanglanon.
Mitino sab kini nga magpahigayon og meeting alang sa dugang koordinasyon sa mga lakang sa pagpangandam ug nagpadayon na ang coordination sa uban pang city offices ug barangay officials. (BANAT NEWS)
- Latest
