Suspek sa pagpamusil nadakpan
CEBU, Philippines — Nadakpan sa kapulisan sa Argao Municipal Police Station sa pagpangulo ni Police Captain Eden Rex Baguio ang suspek sa pagpusil patay sa usa ka mag-uuma niadtong Huwebes sa gabii, Oktubre 30, 2025 sa National Highway, Barangay Apo, Lungsod sa Argao.
Ang suspek mao si Ope, 60 anyos, nagpuyo sa Barangay Apo sa maong Lungsod. Samtang ang biktima mao si Renan Jake Templa Bermejo, 26 anyos, mag-uuma ug taga Cantularoy, Lungsod sa Sibonga.
Sa impormasyon sa Argao Municipal Police Station dunay saksi nga mitudlo sa suspek nga maoy mipusil patay sa biktima anang gabhiuna.
Sa follow up operation sa kapulisan nasikop nila dayun ang suspek didto sa Barangay Apo, Lungsod sa Argao pasado alas 4 sa hapon niadtong Nobyembre 1, 2025, Sabado.
Giingong illegal nga drugas ang motibo sa krimen kay matud pa wala maka remit ang suspect sa halin sa illegal nga drugas.
Sa pagka sikop sa suspect na-recover sa kapulisan ang usa ka Smith and Wesson Made in USA, usa ka buok inside holster, duha ka bala sa kalibre .357 ug usa ka Rusi indoro motorsiklo nga wala'y plate number.
Ang suspetsado pasakaan og tukmang kaso sa kapulisan. IBM BANAT NEWS
- Latest
