10 ka polis gipaubos sa random drug test

CEBU, Philippines — Gipaubos sa random drug test ang napulo ka mga polis sa Mandaue City Police Office (MCPO) niadtong miaging Biyernes nga mga sakop sa City Intelligence Unit (CIU) gjpangulohan sa ilang hepe nga si Police Lieutenant Colonel Mark Gifter Sucalit.

Ang maong random drug test gipahigayon diha sa Camp Demetrio Mendoza Sr. sa Don Andres Soriano Avenue sa Barangay Centro pinaagi usab sa pag-abag sa mga sakop sa Mandaue City Forensic Unit nga gipangulohan ni Police Captain Emerson Serrano.

Matud pa kabahin kini sa nagpadayon nga internal cleansing program sa kapolisan.

Si Acosta miingon nga ang pagpahigayon og mga surprise drug test  padayon nilang buhaton aron magpabilin ang pagsalig sa katawhan sa kapolisan. (BANAT NEWS)