Way lockdown tungod sa flu

CEBU, Philippines — Walay lockdown ug dili mandatory ang pagsul-ob sa Facemask, kini maoy giklaro ni Cebu City Mayor Nestor Archival, subay sa nanggawas sa social media nga false information may kalabutan sa Influenza- like illness.

Si Archival nipakalma sa kabalaka ug kahingawa sa mga tawo may kalabutan sa maong sakit, human wala pay natala sa maong balatian sa Dakbayan sa Sugbo.

Kini human nanggawas sa social media nga adunay lockdown tungod sa maong sakit ug mandatory ang pagsul-ob ug face mask, apan gisalikway kini ni Archival.

Matud sa mayor,  dili mandatory ang pagsul-ob og face mask apan gidasig niya ang mga tawo nga magsul-ob niini kung adunay gipamati sa lawas ug kadtong moadto sa mga lugar nga adunay daghang tawo. (BANAT NEWS)