Tiguwang natagak sa skywalk

CEBU, Philippines —  Angol ang usa ka 72-anyos nga tiguwang human matud pa natagak sa skywalk sa Imus Avenue, Barangay Day-as, Siyudad sa Sugbo kagahapon sa kadlawon, Oktubre 11, 2025.

Ang natagak mao si Tony Bacus, 72, street dweller ug kasamtangan nga nagpuyo sa Barangay T. Padilla, Cebu City.

Sa impormasyon sa Parian Police Station 1 Cebu City Police Office sng biktima nakit-an nga naa sa skywalk sa Imus Avenue, Barangay Day-as ning siyudad.

 Matud samtang sakay sa motorsiklo  sila di Wendell Mariquit ug John Earn Barasan agi sa skywalk sa Imus Avenue nakit-an matod pa nila ang biktima nga aksidenteng natagak sa skywalk.

Dali dayon sila nanawag og polis ug niresponde sab ang personnel sa EMS Ambulance 816, sa dihang gipangutana kini nitubag ang biktima nga wala siya masayod unsay nahitabo niya. Gidala kini dayon sa Cebu City Medical Center.

Padayon sab ang imbestigasyon sa kapulisan sa maong hitabo.—Decemay P. Padilla/IBM

Wa hinuoy danyos nga gilaumang mamugna sa maong linog, apan posible nga dunay mga aftershocks.

Kagabii, alas 6:27 gitay-og napud og magnitude 5.8 nga linog ang kadagatan sa Manay, Davao Oriental nga 10 kilometros ang gilawmon. Nabtaygan kini sa Mati City, Davao Oriental, Sta. Maria, Davao Occidental; Nabunturan, Davao de Oro; ug Malungon, Sarangani, Digos City, Davao del Sur; Alabel ug Kiamba, Sarangani; Tupi, South Cotabato; ug Palimbang, Sultan Kudarat.

Ang bag-ong mga pagtay-og nahitabo usa lang ka adlaw pagkahuman sa duha ka buwag apan kusog nga magnitude 7.4 (downgraded) ug magnitude 6.8 nga linog sa kadagatan gihapon duol sa Manay, Davao Oriental, niadtong Oktobre 10 sa gabii/