Laing linog miigo sa Zambales ug Davao
CEBU , Philippines — Human sa kusog nga linog sa Kabisay-an ug Mindanao, nakasinati usab ang Luzon og pagtay-og kagahapon Sabado sa hapon Oktobre 11, 2025 nga magnitude 5.0 nga linog nga miigo sa Cabangan, Zambales, sumala sa Philippine Institute of Volcanology and Seismology (Phivolcs).
Samtang kagabii, laing linog na sab ang natala didto gihapon sa Manay, Davao Oriental sumala pa sa PhiVolcs.
Ang linog sa Luzon matud pa sa Phivolcs, tectonic kini alas 5:32 sa hapon nga ang epicenter nahimutang 19 kilometros amihanan ug 56 degrees silangan sa Cabangan, Zambales, nga may gilawmon nga 100 kilometros.
Nabatyagan kini sa Cabangan ug Iba, Zambales, Calumpit, Bulacan; San Fernando, La Union; Guimba, Nueva Ecija; Bani ,Dagupan City, Pangasinan; Santa Ignacia, Tarlac City, Ramos, Botolan, Subic, ug San Marcelino, Zambales.
- Latest















