17 anyos gilugos sa kanhi uyab

CEBU, Philippines — Gilugos ang usa ka 17 anyos nga babaye sa iyang kanhi uyab diha sa usa sa mga barangay sa Syudad sa Talisay.

Nadakpan ra sab dayun ang suspek nga si alyas Joker, 22, niadtong Huwebes sa gabii. Ang biktima estudyante sa grade 12 misumbong sa iyang inahan maong nidangop sila sa kapolisan.

Si Police Chief Master Sergeant Shindey Taboco sa Women and Children Protection Desk (WCPD) nagkanayon nga ang biktima gipugos sa pakighilawas sa suspek diha sa pinuy-anan niini.

Gikatahong nagkauyab ang duha sulod sa tulo ka tuig apan magsige sila og buwag-balik. Asoy pa ni Taboco pirmeng i-blackmail sa suspek ang biktima nga dunay i-post sa Facebook kun di kini makigbalik.

Apan ning higayuna misumbong na siya sa iyang inahan. IBM BANAT NEWS