Gamit paghimo og mga paltik, gi-surrender
CEBU, Philippines — Mga gamit sa pagpanghimo og mga paltik nasakmit sa kapulisan sa Danao City niadtong Sabado sa hapon, Oktubre 5, 2025.
Pasado alas 3 sa hapon, ang mga sakop sa 1st Provincial Mobile Force Company (PMFC), Cebu Police Provincial Office (CPPO) nagpahigayon og operasyon ubos sa Oplan Katok sa Sitio Lantawan, Barangay Cahumayan.
Ug didto gitunol kanila ang nagkalain-laing tools nga gigamit sa paghimo og mga paltik sa usa ka residente sa naasoy nga dapit.
Naglakip kini sa nagkalain-laing steel piles (round ug flat), usa ka lower receiver sa calibre .45 pistol, usa ka AR15 handle, usa ka drill chuck, usa ka bench grinder, ug usa ka bench motor.
Ang maong kalambuan konektado sa pagkasikop sa duha ka indibidwal nga manghimoay og paltik niadtong Oktubre 2, 2025 sa Danao City. (BANAT NEWS)
- Latest
