Donation Hub gimuntar sa Danao City

CEBU, Philippines — Tungod sa grabe gyud kataas nga traffic padung sa  amihanang Sugbu aron maghatud og mga relief goods, ang kagamhanan sa probinsya, uban sa kagamhanan sa dakbayan sa Danao City miawhag sa mga donors ug mga volunteer groups nga anha nalang gyud sa mga donation hubs nila dad-on ang ilang mga hinabang imbes nga molahus didto.

Gituyo kini aron maluag ang traffic ug mausa ang mga donasyon ug aron masigurong paspas nga makaabot sa mga biktima ang hinabang sa organisadong paagi.

Giawhag sila nga anha lang ihatud sa Danao City donation hub ang ilang mga hinabang. Nabantayan nga ang hinabang maabtan og 10 ka oras una pa makaabot sa destinasyon niini tungod sa kataas sa traffic.

Gani sa wala pa maestablisar ang donation hub sa Danao, giingong dunay mga relief goods ug essential items nga anha lang gihatud sa Provincial Donation Hub sa City Boardwalk sa Danao.

Hinuon gipasalig sa Kapitolyo nga dili matanggong og dugay ang mga hinabang, kay ini og abot ani sa Danao, diretso kining ikarga sa mga trak padung sa amihanan aron mahatag sa mga tawo.

Matud pa sa kapitolyo, mas maayo pang ang dad-on mga dagkong trak imbes nga mga gagmay nga sakyanan  sa mga pribadong indibidwal kay nakadugang lang sila sa traffic unya gamay ra ang dalang hinabang.

Pwede sab nga ang mga donasyon anha dad-on sa Capitol Warehouse sa M. Velez Street ug sa Sacred Heart School – Ateneo de Cebu Gym (General Maxilom Avenue Campus) ug ingon man sa mga buhatan sa gobiyerno o mga dagkong organisasyon nga dunay dagkong mga trak.

“In this way, we keep roads clear for essential services, and ready to respond to emergencies especially that aftershocks are still felt causing landslides and road collapses,” dugang pa sa Kapitolyo.

Si Capitol Public Information Office head Ainjeliz dela Torre-Orong mipasalig sa publiko nga tanang donasyong gihatud diha sa Provincial Hub sa Danao City dad-on dayun sa mga apektadong lungsod.

“It is the same situation and assurance for the relief dropped off at the Capitol Warehouse,” dugang pa ni Orong.

Kung diskumpiyado ang uban sa gobiyerno, pwede nila kining idonar sa kasaligang non-government organizations (NGOs) o establisadong pribadong grupo sama sa Cebu Chamber of Commerce and Industry (CCCI), Philippine Red Cross, Junior Chamber International (JCI), Lions Club International