Upat nadakpan tungod sa ilegal nga drugas

CEDU, Philippines —  Upat ka mga indibidwal ang gidakop sa otoridad tungod sa ilegal nga pagpanghimo og armas ug pagtinil niini.

Sa operasyon batok sa giingong nalambigit sa illegal firearms manufacturing sa Sitio Colo, Barangay Cahumayan, Danao City niadtong Oktobre 2, 2025 duha ka mga tawo ang nadakpan.

Ang operasyon gihimo subay sa report sa usa ka concerned citizen labot sa matod pa on-going illegal activity nga maoy rason ang Danao City Police Station daling ni-responde ug nihimo og operasyon.

Paspas nga niaksyon ang otoridad sa impormasyon ug nadakpan ang mga suspects.

 Na-recover sa site ang usa ka calibre .38 revolver nga wala'y serial number, tulo ka wala mahuman ga calibre .45 nga armas, usa ka wala mahuman nga caliber .38 revolver, nagkalain-laing parte sa armas ug accessories, ingon man tools ug machines nga gigamit sa illegal production sa armas apil ang lathe machine, grinder ug steel materials.

Ang mga nadakpan ug ang nakompiskar nga ebidensya gidala sa Danao City Police Station alang sa proper disposition, documentation ug pagpasaka og kasong kalapasan sa Republic Act 10591 kun Comprehensive Firearms and Ammunition Regulation Act, in relation sa  illegal manufacturing and possession of firearms.

Samtang duha sab ka mga tawo ang nadakpan sa operasyon sa Cebu City Police Office sa managlahi nga barangay sa siyudad sa Sugbo.

Gialarmahan sa kapulisan usa ka armadong tawo sa may Ybañez Compound, Barangay Mambaling, siyudad sa Sugbo.

Miresulta kini sa pagkasikop ni Alfred Mernilo, 48 anyos, ex-convict ug taga Barangay Duljo Fatima, Cebu City.  Nakuhaan siya og kalibre .38 nga armas nga dunay duha ka bala.

Gi-implementar sab sa Labangon Police Station 10 ang search warrant batok sa usa ka 22- anyos nga lalake diha sa Sitio Upper Bonbonan, Barangay Labangon, Siyudad sa Sugbo sa kasong kalapasan sa Republic Act 10591.

Nadakpan si Ryan Ayuda Lazona, 22 anyos, nagpuyo sa maong dapit.

Si Presiding Judge Merlo Magno sa RTC Branch 14, Cebu City ang nag-issue sa search warrant.

Nasakmitan ang suspek og kalibre .38 revolver, duha ka bala ug usa ka belt bag.  Pasakaan og mga tukmang kaso ang mga dinakpan.

Gihimug-atan sa otoridad nga ang paggukod sa illegal firears manufacturers kabahin sa intensified campaign batok sa loose firearms sa Central Visayas.  (BANAT NEWS)