PB miaprobar sa gipalapdan nga scholarship program

CEBU, Philippines — Giaprobahan na sa Cebu Provincial board sa third ug final reading ang amended ug gipalapad nga scholarship program ordinance niini.

Atol sa regular session giaprobahan sa hunta probinsyal ang amended nga Cebu Province Grants Intended for Tertiary Students kon CP- GIFTS ordinance nga gipangamahanan ni bokal Raymond Joseph Calderon.

Ubos sa giusab nga ordinansa, ang mga Sugboanon nga tinun-an mamahimo na nga makadawat og tabang pinansyal kon sila nageskwela sa bisa'g asa nga pampublikong unibersidad og kolehiyo sa Pilipinas.

Cebuano students may now avail themselves of the program, provided that they are studying in public institutions anywhere in the Philippines" matod ni Calderon.

Sa unang bersyon sa CP-Gifts ordinance, ang mga tinun-an nga nageskwela sa probinsya ra ang makadawat sa assistance gikan sa Kapitolyo.

Unang nagkanayon si Calderon nga ang cash assistance nga ihatag sa Kapitolyo ubos sa maong scholarship program dili para sa tuition kon dili alang sa binulan nga allowance o panginahanglan sa tinun-an.

Ang mga benepesaryo sab sa CP-Gifts makadawat og tag P2,000 matag bulan gikan sa Kapitolyo o tag 10, 000 matag semester.

Ubos sa giaprobahan nga ordinansa sa CP-Gifts, gipadaghan ang slots sa maong scholarship gikan sa kasamtangang 10 ka slots, din 2, 500 ang slot alang sa Governors` office ug 1, 000 ang slot sa buhatan sa bise gobernador.

Ang CP GIFTS nga programa adunay gibana bana nga P150 milyones nga pondo alang sa tuig 2026. (BANAT NEWS)