Fastcraft nasangad sa isla
CEBU, Philippines — Usa ka fastcraft ang nasangad sa kadagatan sa kadagatan sa Lawis Jandayan Island ug Barangay Nasingin, Getafe, Bohol niadtong Lunes sa gabii, Septembre 22, 2025.
Matud pa sa Coast Guard District Central Visayas nakadawat sila og tawag gikan sa kapitan sa maong fastcraft nga nagpahibalo sa ilang pagkasangad hinungdan nga ilaha kining giadto.
Ang CGDCV gipangulohan ni PCG RADM Agapito Bibat mibutyag nga malampuson nila nga na-rescue ang 36 ka mga pasahero ug 17 ka mga crew sa maong fastcraft.
Ang distress call nadawat sa Coast Guard Sub-station sa Getafe nga daling mipadala sa ilang Quick Response Team inabagan sa Getafe Municipal Disaster Risk Reduction and Management Office (MDRRMO).
Alas -10 sa gabii naluwas ang tanang sakay sa maong fastcraft nga gidala balik sa Getafe Port. Padayon pa ang pakisusi sa Coastguard sa maong insidente. IBM BANAT NEWS
- Latest
