Motor vs taksi nagbangga
CEBU, Philippines — Patay ang usa ka lalaking motorista human kini ug gikasugat nga taxi nagkasungag diha sa eskina sa F.F. Cruz Avenue ug C.D. Seno sa barangay Tipolo, Mandaue City, alas 2:35 kagahapon sa kadlawon.
Ang nakalas naila nga si Ronnie Amadeo, 25, taga sitio Sayaw, Barangay Bantigue, Bantayan Island.
Samtang ang taxi driver usa ka 47-anyos nga taga Regla Street, Barangay Mabolo sa Dakbayan sa Sugbo kinsa adunay duha mga Korean nationals nga pasahero atol sa pagkahitabo.
Sa inisyal nga imbestigasyon sa kapulisan, gikan sa managlahi nga direksyon ang motor ug taxi apan pagabot sa maong eskina nagkabanggaanay ang duha.
Tungod sa impact nalabay sa karsada si Amadeo, samtang nangaangol sab ang driver sa taksi hasta pud ang iyang duha ka mga Koryenanong pasahero.
Daling gidala sa tambalanan ang drayber sa motor apan gideklarar sa mga doctor nga dead on arrival. Ang mga langyaw nga nakaangkon og mga bun-og nagdumili na sa pagpadala sa tambalanan.
Ang driver sa taxi ang kasamtangan usa karon nga gibalhog sa prisohan samtang nagpaabot sa pamilya sa biktima kung mopasaka sila og kaso.
Ang kapulisan padayon pa usab sila karon sa paghimo sa ilang imbestigasyon may kalabutan sa maong insidente.
- Latest
