Usbaw sa suholan gibalanse ra–depved 7
CEBU, Philippines — Giklaro sa Department of Economy, Planning, and Development in Central Visayas (DepDev 7) nga kining new minimum wage order nga moepekto karong Oktobre 4,2025 nadesisyonan agi og pagbalanse tali sa desenteng kinabuhi sa mga mamumuo samtang dili makapakulob sa mga pamatigayon.
Si DepDev-7 regional director Jennifer Bretaña miingon nga gitun-an og maayo sa Regional Tripartite Wages and Productivity Board (RTWPB-7) kining maong kamandoan aron dili aksidenteng makapasamot sa problema, sama sa pagpanangtang na hinuon og empleyado kay di na kayang sweldohan sa mga kompanya.
“Our role is to strive for balance,” pagpasabot pa ni Bretaña.
“We have to ensure that the minimum wage will also sustain the business sector because if we set something they cannot handle, many will lose work,” dugang pa niya.
Sa samang paagi, dili sab gusto sa board nga dili maminaw sa yangungo sa mga mamumuo nga dunay katungod makabaton og desenteng pagpuyo.
“We also have to protect our workers to ensure that with their wages they may have a decent life naman sila,” puno pa niya.
Sumala pa ni Bretaña basta wage hikes o usbaw na gani sa suholan dili kini basta-basta desisyonan kung dili tun-an og maayo ang epekto sama sa inflation, productivity, ug kakabus.
Ang bag-ong usbaw nanukad gikan P37 hangtud P47 sa nagkalain-laing dapit sa rehiyon, mao nga duna na karoy daily minimum wage nga P500 hangtud P540.
Sa Class A areas, sama sa Metro Cebu, gikan P501 hangtud P540—o P39 increase ang madawat.
Samtang sa mga Class B areas, sama sa Dumaguete, Tagbilaran, Toledo, ug Bais, gikan P463 hangtud P500—o P37 increase.
Ang mga munisipyo nga di sakop sa Class A ang minimum wage manukad gikan P453 hangtud P500, nga maoy pinakadako o P47 nga usbaw.
Ang Wage Order No. ROVII-26, gipirmahan niadtong September 11, 2025, ug moepekto sugod October 4.
- Latest
