149 ka wanted persons nasikop sa SACLEO sa PRO-7
CEBU, Philippines — Nihimo ang Police Regional Office (PRO)-7 og Simultaneous Anti-Criminality Law Enforcement Operations (SACLEO) gikan sa September 8 hangtod sa 12, 2025 nga miresulta sa pagkasikop sa 149 ka wanted individuals sa tibuok Central Visayas.
Base sa datos ang PRO-7 nakahimo og 152 ka operasyon diin nadakpan ang 28 ka Most Wanted Persons ug 121 ka laing individuals nga dunay mga outstanding warrants.
Sa category sa Most Wanted Persons, lima niini identified isip regional level, siyam ang provincial level ug 14 ang municipal level.
Ang mga police units nga daghan og nadakpan mao ang Cebu Police Provincial Office (CPPO) nga naa sa 62.
Gisundan sa Cebu City Police Office nga 29 ang nadakpan, Bohol Police Provincial Office 24 ka dakop, Mandaue City Police Office nga 18, ug Lapu-Lapu City Police Office nga 14, ug duha sa Regional Mobile Force Battalion.
Si PRO-7 Regional Director Police Brigadier General Redrico Maranan midayeg sa exemplary performance sa mga operating units.
"These results demonstrate the effectiveness of our intensified operations. PRO7 will persist in its unwavering commitment to apprehending fugitives to ensure justice and enduring peace throughout the Central Visayas region", sigon ni PBGen Maranan. — /MEL (BANAT NEWS)
- Latest
