Gipusil sa iyang nakalalis
CEBU, Philippines — Patay ang usa ka 30- anyos nga lalake human kini gipusil sa duha ka mga wala mailhing lalaki diha sa Sitio Lower Manol, Barangay Tisa, siyudad sa Sugbo niadtong Biyernes sa hapon, September 12, 2025.
Giila ang biktima nga si Jason Garcia, 30 anyos, nagpuyo sa Sitio Lower Manol, Barangay Tisa sa maong siyudad.
Sa impormasyon nga gihatag sa Labangon Police Station 10 sa Cebu City Police Office ang biktima ug mamumuno nakit-ang nagkalalis.
Tungatunga sa ilang tinubagay gikatahong nilanit og armas ang maong lalaki ug diretsong gipusil ang biktima hinungdan sa pagkahagba niini.
Sa inisyal nga imbestigasyon sa kapulisan posible matod pa nga naalan ang biktima sanglit duna kini kaluha nga napriso sa prisuhan diha sa Barangay Kalunasan.
Dugang impormasyon nga gihatag sa otoridad nadakpan sa kapulisan ang usa sa mga suspetsado nga naghimo sa maong krimen.
Padayon sab ang imbestigasyon sa kapulisan sa insidente ingon man ang pagdakop sa laing suspetsado ug pagsusi sab kung unsay motibo nganong gipusil ang biktima. (BANAT NEWS)
- Latest
