Pundo alang sa bypass road sa Minglanilla giaprobahan na
CEBU, Philippines — Aprubado ni Gobernadora Pamela Baricuatro ang hangyo sa lungsod sa Minglanilla nga mobubo og pundo alang sa himuon nga bypass road.
Kini maoy gipahibawo ni mayor Rajiv Enad sa Minglanilla nga nakapadayag sa iyang dako nga kalipay human nadungog nga adunay pundo sunod tuig para sa mao nga proyekto.
Si Enad nibutyag nga gamay nalang kuwang naa na sila sa pagbaton unya og laing agi-anan aron mas paspas ug mamenosan ang stress sa pagbiyahe paingon sa habagatan.
Matud pa niya nga ang shortcut nga karsada usa ka midterm nga solusyon sa problema sa trapiko.
Ang bypass road magsugod diha sa sitio Libo sa Dakbayan sa Talisay paingon sa lungsod sa Minglanilla hangtud na sa Inayagan sa Siyudad sa Naga.
Si Enad niingon nga sila nagmalaumon bisan paman og daghan pa kini og himoon nga pagtuon, pagplano ug koordinasyon sa mao nga proyekto. MEL BANAT NEWS
- Latest
