Sweldo sa mga magtutudlo pausbawan
CEBU, Philippines — Gisugyot sa senado ang phased salary increase alang sa public school teachers ug education personnel pinaagi sa Senate Bill No. 211 kun “Dagdag Sahod for Public Basic Education Teachers and Employees Act”.
Ang maong balaodnon nga gipanginahanan ni Senador Risa Hontiveros nagkanayon nga ang sweldo sa mga magtutudlo dugangan og P15,000 sulod sa tulo ka tuig.
Ang unang tuig maghatag og P6,000 dayon P5,000 sa ikaduhang tuig ug P4,000 sa ikatulo.
Apil usab niini ang dugang health benefits pinaagi sa PhilHealth.
Ang maong sugyot nagtumong sa pagtabang sa financial strain nga giatubang sa mga magtutudlo tungod sa pagsaka sa cost of living.
Bisan pa sa dakong papel nga gihuptan sa mga magtutudlo sa pagtudlo ug pag-amoma sa mga estudyante daghan kanila ang naglisod sa pagsaka sa cost of living.
Mas klaro ug konkreto nga suporta alang kanila mao ang dugang kompensasyon ug benepisyo.
Gidawat usab sa Commission on Higher Education (CHED) nga ang sestema sa edukasyon usa sa pinakalisod nga kahimtang karon diin naapektohan usab ang mga magtutudlo. BDB BANAT NEWS
- Latest
