Managsuon gipamatay
CEBU, Philippines — Patay ang manag-igsuong negosyante og quarry human gisulod ang ilahang panimalay ug gipamusil sa dili momenus upat ka mga tawo diha sa Barangay Tanghaligue, Lungsod sa Talibon, Probinsya sa Bohol niadtong Sabado sa gabii, Septiyembre 6, 2025.
Giila ang mga biktima nga sila si Witwit, 36, ug si Jeloy, 42, pulos nagpuyo sa maong dapit ug dunay quarry business sa maong lugar.
Sigon ni Police Major Romar Labasbas, hepe sa Talibon Municipal Police Station miingon nga ang mga biktima adtong higayona nagduwa og mahjong sa dihang gisulod og upat ka tawo nga sakay og puti nga van ug diretso silang gipamusil.
Ang usa ka biktima dead on the spot samtang ang biktima dead-on-arrival sa hospital.
"Sa karon kamulo (pa) ang atoang further investigation ani og unsa gyud, karon wala pa tay mahatag nga suspects," sigon ni Labasbas.
Usa sa gitan-an nga anggulo sa kapulisan mao ang quarry business sa mga biktima. Walay nadawat nga impormasyon ang mga otoridad kun dunay nakontra ang mga biktima sa wala pa mahitabo ang pagpamusil.
Nag backtracking na karon sa mga CCTV footages sa mga kadalanan ang kapolisan aron sa pag-trace sa maong puti nga van nga gisakyan sa mga mamumuno. Nasayran ang panimalay sa mga biktima sudlonon ug layo ra sa highway. — /IBM (BANAT NEWS)
- Latest
